كيش خفيف بالصلق و الزيتون

السلام عليكم ورحمة الله

على بركة الله غادي نحتاجو ل
زلافة سلق مقطع
ابزار ملح كمون فلفلة حمرا

 2 م ك دانون مسوس
4 دالمعالق ك حليب
نص كاس زيتون مقطع
نص كاس كورنيشون مقطع
ربع كاس موزاريلا مقطعة صغيرة

 4 د لبيضات
باكية دالخميرة دالحلوى

 نخلطو جميع المقادير

 نضيفو 4 دالمعالق ك طحين الزرع
نعملوهم فكواغط دالمافن كبار
ندخلوهم لفران متوسط الحرارة مابين 20 تال 30 دقيقة

 ها هما منين وجدو بالصحة و لراحة

بطاطا معمرة بالشومبنيون بالكفتة

السلام عليكم و رحمة الله

ان شاء الله تعجبكم هاد البطاطا لي معمرة بالشومپينيون و الكفتة كتجي لديدة بزاف و ساهلة 
على بركة الله سنحتاج ل

 اذن على بركة الله غادي نحتاجو ل 
بطاطا 
اي نوع فطر او شامبينيون مقطع مربعات
مطيشة و 3دالبصلات طوال مقطعين
ابزار ازير زعتر زعيترة ملح و فلفل حار اختياري
كفتة بالتوابل ديالها
2 م ك زيت بلدية
فرماج (انا هنا عملت بارمازان) يمكن تعملو اي نوع
دانون مسوس
قليل من ابزار 

بطاطا انا هنا فورتها باش ماتاخدش الما بزاف

 اذن على بركة الله 
نقليو شامبينيون مطيشة لبصلا + التوابل ديالنا لمدة 10 دقايق

نضيفو الكفتة و نقليوها حتى تطيب

  ناخدو البطاطا من بعد ماتفورات نقسموها بحال هاكا و تبقى مسدودة شوية

نعمرها بالحشوة لي وجدت

حطيت عليها الفرماج
دخلتها لفرن سخون حتى تحمر الفرماج

عملت عليها دانون مسوس و ابزار
وها هي بالصحة و لراحة

ganache de lux شوكولا ميروار شكيل اخر

 السلام عليكم و رحمة الله

ان شاء الله ليوم غادي نزل وصفة رائعة و جميلة جدا لشوكولا ميروار او 
كتعطي لمعة رائعة للحلويات نتمنى من الله انها تعجبكم
على بركة الله سنحتاج ل

480 مل كريم سائل
150 ع كليكوز
150 غ سكر
150 غ زبدة
570 غ شكلاط

نعملو الكريم و الكليكوز و السكر يسخنو

 و منين يبداو يغليو نضيفو الشكلاط و الزبدة و نخلطو مزيان

من بعد ما يبرد شوية نصفيوه

 و نحتفضو به حتى نحتاجوه

لاموس فرومبواز بالنوغاتين

السلام عليكم و رحمة الله

وصفة اليوم ان شاء الله هي لاموس بلفرومبو و البروفيترول و اكنوغاتين نتمنى من الله انها تعجبكم

اذن على بركة الله سنحتاج ل

موس فرومبواز

360 غ فرومبواز مطحون

90 غ سكر

7 غ جيلاتين فقليل من الماء

240 مل كريم سائل

بروفيترول فهاد الرابط

http://ghizlanesweets.blogspot.com/2012/01/blog-post_01.html

نوغاتين فهاد الرابط

http://ghizlanesweets.blogspot.com/2012/03/nougatine-1.html

شوكولا ميروار فهاد الرابط

http://ghizlanesweets.blogspot.com/search?updated-min=2011-01-01T00:00:00-08:00&updated-max=2012-01-01T00:00:00-08:00&max-results=50

نسخنو الفرمبواز و السكر على نار مهيلة

ثم نضيف الجيلاتين و نستمر فالتحراك حتى يذوب

نطرب الكريم السائل يبقى خفيف مايعقدش

منين يبرد الفرمبواز نضيفو على الكريم

نعملو فالقالب دائري و ندخلو للثلاجة يبرد

انا كنخليه ليلة كاملة

نحضر دائرة من النوڭاتين و نزل عليها الپروفيترول لي عمرت بالكريم

نسخن الڭناش ديالي و نعملها على الپروفيترول

نزل قالب الفرومبواز وسط النوڭاتين

ثم نزولو و نزوقها بالنوڭاتين

نتمنى من الله انها تعجبكم و في امان الله