السلام عليكم و رحمة الله
الكيك ديال اليوم ان شاء الله هي عبارة عن خليط مابين 2 ديال الكيكات كنت نزلتهم من قبل
بالنسبة للكيك ديال الشكلاط تقدرو تعملوها غير بوحديها كتجي لذيدة بزآآآآآآآاف غي هي منين تعملوها من الافضل نخليو الكيك فحرارة المطبخ قبل التقديم لانها فيها الزبدة كتيرة فكتجمد منين كندخلوها للثلاجة
اذن على بركة الله سنحتاج ل
لا موس ماسكارپون
http://ghizlanesweets.blogspot.com/2012_01_01_archive.html
كيك بالشكلاط و اللوز
http://ghizlanesweets.blogspot.com/2011_02_01_archive.html
شكلاط دايب
ورق السلفيريزي
بالنسبة للڭلاصاج عملت نفس الطريقة لي فلكيك ديال الشكلاط
بالنسبة للكيك عملت مقلة اكبر هنا فطبيعة الحال كانو المقادير اكثر
زولت الجناب للكيك
و عملت عليها لڭلاصاج
دخلتها للثلاجة تبرد
خديت ورق السلفيريزي و رسمت عليه مستطيلات بحال لي فالصورة
ثم قلبت ورق السلفيريزي و بديت كنزوق الشكلاط ديالي بهاد الاشكال لي باينين فالصورة
كندخلهم للثلاجة ينشفو مزيان
عملت لاموس ماسكارپون فوق من الكيك و زوقت الجناب بلڭلاصاج ديال الشكلاط و الكريم
كنزل الشكلاط ديالي على جناب الكيك
هاهي وجدات بالصحة و الراحة
نتمنى من الله انها تعجبكم
في امان الله و كل يوم و انتم الى الله اقرب
السلام عليكم و رحمة الله و بركاته
نتمنى من الله تكونو لاباس
اليوم ان شاء الله بغيت نشارككم بهاد الپاوند كيك و لي كتجي لديدة و رائعة الحمد لله
نتمنى من الله حتى نتوما تعجبكم
اذن على بركة الله سنحتاج ل
230 غ زبدة فحرارة المطبخ
300 غ دقيق مغربل
قليل من الملح
200 غ سكر
7 بيضات فحرارة المطبخ
2 باكيات فانيلا
250 مل كريم سائل
ندهنو المقلة و نخليوها على جنب
نغربلو الدقيق و الخميرة و الملح
نطربو الزبدة و السكر
حتى تولي عندنا كريما
نضيفو البيض وحدة بوحدة و نطربو بعد كل اضافة
هنا كملت البيض لي عندي
نضيف الدقيق و الكريم بشوية بحيت نضيف تلت الديقي و نطرب على سرعة متوسطة و نضيف نصف كمية الكريم و نطرب
ثم نضيف التلت التاني من الدقيق و نصف كمية الكريم و طبعا مع التطراب
ثم اخيرا التلت الباقي ديال الدقيق
هنا كملت الخليط
عملتو فالمقلة و دخلتو للفران لمدة ما بين 60 تال 70 دقيقة او على حسب نوع الفرن
من بعد ما خرجات من الفرن
خليتها تبرد
رشيتها بسكر ڭلاصي و ها هي واجدة
نتمنى من الله انها تعجبكم
في امان الله
و كل يوم و انتم الى الله اقرب
السلام عليكم و رحمة الله
بعد غياب طويل رجعت ان شاء الله للمدونة و ان شاء الله رجعت بالجديد
عيدكم مبارك سعيد و كل عام و انتم بخير يا ربي امين
الوصفة ديال اليوم ان شاء الله هي عبارة عن شكلاط معمر بالكريم و الپيسطاش
تصلاح للاعراس و المناسبات
اذن على بركة الله سنحتاج ل
300 غ كريم سائل
250 غ بيسطاش ( ممكن تعوضوه باللوز او اي مكسرات تفضلوها )
60 غ كليكوز
500 غ شكلاط ابيض
شكلاط اسود دايب على حسب الحاجة
على بركة الله نعملو الكريم و الپيسطاش يسخنو حتى الغليان
نضيفو الڭليكوز
نعملوهم فالخلاط و نطحنوهم مزيان
نضيفو الشكلاط الايبض و نعاود نطحنو
للاشارة المكونات الاولى خاصها تكون سخونة باش يدوب لينا الشكلاط
الخليط اصبح تقيل بحال لي باين فالصورة
نعملو فقالب و ندخلو للثلاجة على الاقل 24 ساعة
من بعد 24 ساعة نخرج القالب من التلاجة نقطعو
و نكون حضرت الشكلاط دايب نعملو القطع ديالي فيه و نعاود ندخلهم للثلاجة يبردو
الشكلاط ديالي ها هو وجد نتمنى من الله انو يعجبكم
في مان الله
