السلام عليكم و رحمة الله
الكيك ديال اليوم ان شاء الله كلمة روعة قليلة فحقها ههههههههههه
بلفعل كتجي لذيدة بزآآآآآآآآاف و هاد الكيك هي من النوع لي ماكتحتاجش لانها تسقى لان طبيعة المكونا لي فيها كيخليها مسقية
نتمنى من الله انها تعجبكم
على بركة الله نمرو للمقادير
255 غ دقيق
120 غ شكلاط غبرة بدون سكر
4 غ خميرة
4 غ بيكاربونات الصوديوم
150 غ زبدة دايبة
3 بيضات فحرارة المطبخ
240 مل لبن
فاني
270 غ سكر او حسب الذوق
240 مل قهوة
قليل من الملح
ganache de lux
فهاد الرابط
http://ghizlanesweets.blogspot.com/2012/06/ganache-de-lux.html
على بركة الله نغربلو الدقيق و الخمائر و الملحو الشكلاط غبرة
نضربو الزبدة الدايبة مع البيض
نضيفو اللبن
نضيفو القهوة و حنا كنطربو
نضيفو خليط الدقيق و نطربو تطراب خفيف
نعملو الخليط فلمقلة و ندخلوه للفرن
هاد المقادير ديال طاوة 22 سم انا عملت 2 15 سم حيت كنت باعاها تكون عالية
دخلتهم للفران لمدة 38 تال 45 دقيقة او على حسب الفرن
ها هي منين خرجات من الفرن
قسمت الكيك و عملت الكريم المطرب على الجناب ث عملت الڭناش
غطيت الكيك بطبقة خفيفة ديال الكريم
دخلتها للثلاجة تبرد ث عملت الڭناش فوق منها
طربت قليل من الڭناش و زوقت بيها الكيك
دخلتها للثلاجة مرة اخرى تبرد
ها هي منين وجدات نتمنى من الله انها تعجبكم
في أمان الله و كل يوم و نحن إلى الله أقرب
السلام عليكم و رحمة الله و بركاته
اليوم ان شاء الله بغيت نشارككم بوصفة الشارلوت بالشكلاط انا شخصيا كنفضلها على
الشارلوت العادية يمكن حيت كيعجبني الشكلاط بزآآآآاف
على بركة الله نمرو للمقادير
http://ghizlanesweets.blogspot.com/2012/05/2.html
http://ghizlanesweets.blogspot.com/2012/01/150-150-12-235-410-210-9-11.html
بافروا د الشكلاط
1/2 ليتر حليب
140 غ شكلاط
3 اصفر البيض
1/2 ليتر كريم فريش
7 غ جيلاتين فشوية دالما بارد
نعملو الحليب يغلي
نطربو اصفر البيض مع للسكر واحد الشوية حتى يتخلط
ثم نضيفوالحليب و نديرو الكل فكاسرونة يغلي و حنا كنخلطو يبقا على نار متوسطة تقريبا 10 دقايق و نزولوها من العافية
ونخلطو مزيان و نضيفو الجيلاتين
نعملو الشكلاط فوعاء مقاوم للحرارة
و نصفيو االخليط دالبيض و احليب
نخلطو مزيان
ثم نخليوها على جنب تبرد
نطربوالكريم فريش ديالنا
و نضيفوه على البافروا منين تبرد
نعمل البسكوي ديالي
و نسقيه بالسيرو
نعمل البافروا ديالي
ندخلها للثلاجة حتى تبرد مزيان
طربت قليل من الكريم و زوقت به الجناب
و قدمتها بالشكل لي فالصورة
نتمنى الله انها تعجبكم
في أمان الله و كل يوم و نحن إلى الله أقرب
