سابلي بالكارمل و الفواكه اليابسة

السلام عليكم و رحمة الله

هدا نوع اخر من السابلي ولكن هو بعجين الحلو ماشي بعجين السابلي

على بركة الله سنحتاج عجين الحلو فهاد الرابط  
http://ghizlanesweets.blogspot.com/2011/01/la-pate-sucree.html
بالنسبة للكرامل سنحتاج ل
180 غ سكر
60 غ كليكوز او عسل او كورن سيراب
90 مل ماء
150 غ زبدة 
90 مل كريم ساخن جدا
ڢاني
330 غ لوز افيلي
60 غ حب ملوك او كرز يابس ( ممكن تستعملو مشمس او زبيب يابس )
شكلاط دايب

نسخنو الفرن على 375 فهرنهايت 190 مئوية

نسرحو العجين ديالنا و ندخلوه للفرن تقريبا 8 حتى ل 11 دقيقة
ندخلوه للكونجيلتور يبرد حتى نحتاجوه

نعملو السكر و الكليكوز او العسل و الماء يسخنو حتى يولي عندنا لون كرامل فاتح

نضيفو الزبدة

تم نضيفو الكريم الساخن

تم نخليو الكرامل تسخن حتى تغلي و تبدا كانها غادي تفيض على الكاسرونة
يولي لونها ذهبي نزولوها من على النار

نخلطو الفواكه و اللوز و الفاني

و نضيفوهم على الكارامل و نخلطو مزيان حتى تتجانس جميع العناصر

نعملو هاد الخليط على السابلي*

و نسرحوه مزيان
ندخلوه للفرن مرة اخرى لمدة 20 دقيقة

نخرجوه و نخليوه يبرد شوية

نزولو الجناب و نقطعوه مربعات و نعملوه فالشكلاط

السابلي ديالنا وجد نتمنى من الله انو يعجبكم و في امان الله