الاثنين، 7 مايو، 2012

ساشي تورت مرة اخرى

السلام عليكم و رحمة الله


هاد الكيك ساشي الا لاحظتو هادا النوع التاني لي كنزل
بالنسبة لهاد الكيك حتى واحد ماكيعرف المقادير ديالها لانها باقا سر عند الفندق المعروف ف فيينا و لي كيحمل نفس الاسم
و التاريخ ديال هاد الكيك كيرجع ل 1832 و حيت كان فرانز ساشي كيعمل فقصر احد الامراء النمساويين لي طلب منو تحضير كيك بالشكلاط يكون مميز للضيوف ديالو
فقآم بتحضير خلطة جديدة و دخل فيها الشكولا الدايبة و كذلك عمرها بمربى المشمش من الوسط و دهنها بمربى المشمش ث عمل عليها طبقة الشكلاط
الكيك لقات نجاح كبير بزاف
و بقات الطريقة سر الى يومنا هدا فقط الفندق لي كيمتلك الوصفة الاصلية
بعض الشاف المتخصصين فالذوق مشاو للفندق و حاولو يتوصلو للوصفة ولكن تاواحد ماعارف اشنو هي بطبيعة الحال داك الشي علاش كاينين بزاف ديال الوصفات
انا شخصيا كتعجبني الوصفة لي فهاد الرابط و هي ديال الكوردون بلو مدرسة الطبخ العالمية المعروفة
http://ghizlanesweets.blogspot.com/2011/12/sacher-tort.html
طولت عليكم نمرو للمقادير

اذن على بركة الله سنحتاج ل




على بركة الله سنحتاج ل
150 غ دقيق
90غ شكلاط غبرة بدون سكر
180غ زبدة لينة
200غ سكر
7 بيضات مفصول الصفار عن البياض
90غ لوز او نوازيت محمر و مطحون
على بركة الله نغربل الدقيق و الشكلاط غبرة 2 مرات و نخليهم جانبا
نطربو ابيض البيض مع 80 غ سكر و نخليوه جانبا



نطرب الزبدة و ماتبقى من السكر حتى تولي كريم


نضيف اصفر البيض وحدة و نطربو بعد كل اضافة
نضيفو خليط الدقيق و الشكلاط غبرة و اللوز او النوازيت المحمر ونخلطو
نخففو الخليط ديالنا باضافة تلت كمية ابيض البيض و نخلطو  بالسباتولا تم نضيفو باقي ابيض البيض

نعمل الكيك فالقالب و ندخلو للفرن لمدة 35 تال 45 دقيقة
بالنسبة للقالب انا هنا عملت 20 سم

خرجتو من الفرن خليتو يبرد




و بديت كنحضر الكريم لي عملت من فوق موجودة فهاد الرابط
http://ghizlanesweets.blogspot.com/2011/12/blog-post_25.html
و يمكن ليكم تعملو اي كريم بغتو














زوقتو كيما كتشوفو و خليتو يبرد



نتمنى من الله ان الكيك تعجبكم و في امن الله

ليست هناك تعليقات:

إرسال تعليق