الجمعة، 6 يوليو 2012

الشباكية معلكة و هشيشة



السلام عليكم و رحمة الله
رمضان مبارك سعيد الله يدخلو عليان و عليكم بالصحة و السلامة و مزيد من التقوى و الايمان و الله يتقبل منا و منكم صالح الاعمال يا ربي امين
هاد الشباكية كتجي معلكة و لذيدة بزاف هي فالاصل ديال الاخت ديالي ديما كتعملها زوينة بزاف 
هاد المرة طلبت منها باش تعطيني العبار بالضبط و بالفعل عبرات المقادير و عطاتهم لي و عملتها جات لذيييييييييييييييييييييييذ بزآآآآآآف الله يجازيها بكل خير يا ربي امين
اذن على بركة الله سنحتاج ل




500 غ دقيق ابيض
125 غ دقيق قمح
200 غ زنجلان مطحون
5 م ك زبدة مدوبة
كاس الا ربع زيت زيتون
2 اصفر البيض
ملعقة و ربع نافع
2 م ك قرفة
شوية ديال المسكة الحرة
زعفران حر + خرقم طبيعي
تلتي كاس مازهر و تلت خل التفاح او العادي
ملعقة صغيرة و نص خميرة الحلوى
2 م ك لوز مطحون
لماء حسب الخليط

زيت للقلي
عسل 








نسخنو الزعفران على نار هادية
و نضيفو عليه قليل من الماء و نخليوه على جنب



نحمرو الزنجلان و نطحنوه

نحمرو النافع و نطحنوه

نسخنو القرفة عواد و نطحنوها

نطحنو المسكة حرة

ثم نطحنو اللوز



نخلطو جميع المقادير و تعجن مزيان

نعملوها كويرات و نخليوها ترتاح شوية
نسرحو ها بالمدلك

نقطعوها مربعات بحال لي فالصورة
تم نعمل الوردة
ثم نخليوها ترتاح واحد الشوية




نقليوها فالزيت و نعملوها فالعسل
نقطروها من لعسل






و ها هي واجدة نتمنى من الله اناه تعجبكمو في امان الله

هناك 4 تعليقات:

  1. tbark llah 3lik okhti ghizlan,ana mzazal maderthaaaa

    ردحذف
    الردود
    1. allah ybarak fik w yslmk a khiti allh ysser alomor a khti ana baqi madartch slou

      حذف
  2. tbarkallah 3lik 7abibati ghizlane allah yj3al had lmajhodat dyalk f mizan 7assanatek enshallah
    ri 3afak f lma9adir rak darti 200g loz wa9ila biti tgoli janjlan 3afak se7iha bach lmobtadi2at b7ali maytalfoch :)chokraan bezaaaf

    oun dris

    ردحذف
    الردود
    1. barak allh fik akhti om dris
      w chokran jazilan lltanbih allah yjazik bikol khir
      rani sl7tha barak allah fik

      حذف