كيك رولو ڭلاصي

نتمنى من الله تكونو جميع فاحسن الاحوال يا ربي امين

كنت عملت واحد الكيك و بقات لي الموس ديال الشكلاط فدخلت للمختبر و كانت هاد النتيجة

انا هنا خلطت مجموعة من النكهات و كانت النتيجة هآآآآآآآآآآئلة جدا

على بركة الله سنحتاج ل

اذن على بركة الله سنحتاج ل

جنواز بالشكلاط

120 غ سكر

4 بيضات

40 غ مايزينا

30 غ دقيق

30 غ شكلاط غبرة مسوس بدون سكر

فاني

60غ ستروسل بالنوازيط فهاد الرابط

http://ghizlanesweets.blogspot.com/2012/12/blog-post_8.html

20غ فيوتين

50 غ پرالين فهاد الرابط

http://ghizlanesweets.blogspot.com/2011/01/250-130-2-chef-bernard.html

15 غ عجين الپيسطاش فهاد الرابط

http://ghizlanesweets.blogspot.com/2012/08/blog-post_8890.html

20 غ عجين النوازيط فهاد الرابط

http://ghizlanesweets.blogspot.com/2011/01/la-pate-de-noisette.html

120 غ شكلاط دايب

شوكولا ميرور

http://ghizlanesweets.blogspot.com/2011/12/blog-post_19.html

موس شوكولا

http://ghizlanesweets.blogspot.com/2012/11/blog-post.html

نغربلو الدقيق و المايزينا و الشكلاط غبرة

نطربو البيض و السكر و الفاني حتى يضاعف الحجم 3 دالمرات

نضيف الخليط المغربل على دفعات و نخلط بشوية

ندخل الخليط للفرن متوسط الحرارة 12 دقيقة و نخليه على جنب

نخلط الستروسل مع البرالين و النوازيط و البسطاش و الشكلاط

نسرحو و ندخلو للثلاجة

ناخد مقلة طويلة و نعمل فيها بلاستيك استات او اي بلاستيك يكون موجود عندكم

نعمل موس الشكلاط

لوح الشكلاط

الموس مرة اخرى

اخيرا الجنواز و سقيتها و دخلتها للكونجيلاتور ليلة كاملة

زولت ليها الپلاستيك و عملت عليها الشكلاط

خديت الاستات و عملتو على مقلة مقلوبة

دوبت الشكلاط الابيض و عملتو بهاد الشكل ف عملت عليه الشكلاط فالالوان

و خليتو ينشف

هادي البصمة ديال بنتي ماعجبتهاش الكيك فعملات شرع يديها

انا كان المفروض نزوق الكيك بحال لي كنت عملت من قبل حىت خليت هاد الزواق 

بحال غطاء للكيك

ولكن مرة اخرى بنتي سارة ضروري تعمل شرع يديها بينما مشيت نجيب الكامرا باش 

نصور لقيت سارة هرسات لي الاطار ههههههه

نضت عملت زواق اخر

هرست الشكلاط كلو و عملتو بهاد الشكل

ها هي الكيك منين وجدات

نتمنى من الله انها تعجبكم و في امان الله