الأربعاء، 26 ديسمبر 2012

كيفية عمل شريط مدهب حول الكيك بالشكلاط




















نتمنى من الله تكونو جميع فاحسن الاحوال يا ربي امين

اليوم بغيت ان شاء الله نوريكم كيفية عمل زواق بالشكلاط بطريقة مبسطة و ساهله

غالبا منين كنبغيو نزوقو بالشكلاط كنشريو البلاستيك المزوق

هادي مدة و انا كنقول غادي نجرب هاد الطريقة و بالفعل عملتها هادي يوماين و كانت 

نتيجة زوينة بزآآآآآآف الحمد لله

فقلت لازم مانوريها ليك

انا عملت 2 طرق وحدة بورق السلفيريزي و التانية ب بورق الاستات الخاص بالشكلاط

انا شخصيا كنفطل الاستات حيت كيبقى قاصح ماشي بحال السلفيريزي كيطيح بسهولة

المهم هادو التجارب ديالي وحدة عملتها على كيك اوپرا بشكل جديد لي ان شاء الله نزلو 

قريب و التانية عملتها بورق الاستات و عملتو على شكل كاس و ممكن تعمروه 

بالڭلاص او الموس او تعملو فيه الكيك

نتمنى من الله ان هاد الطرق تعجبكم و تستفدو منهم






على بركة الله سنحتاج ل

ورق السلفيريزي او ورق الاستات الخاص بالشكلاط

شكلاط ابيض 

شكلاط اسود

غبرة دهبية

معلقة لتسريح الشوكولا




على بركة الله اذ كنا غادي نعملو شريط من الشوكولا المزوق حول الكيك
اولا خاصنا نعبرو العلو ديال الكيك + دورة الكيك 
تم نقطعو ورق السلفيريزي بالحكم لي بغين و كنضيفو 1 سم فالعلو و 1 سم فالدورة الكيك


ناخدو الغبرة الدهبية و الشيتة و نبداو ندهنو ورق السلفيريزي و نعملو 2 طبقات من الافضل


نعمل الشكلاط ابيض بشكل عشوائي على الورق



و خليت الشكلاط حتى برد عاد عملت فوق منو الشكلاط اسود و لي ماخاصوش يكون سخون و الاغادي يدوب الشكلاط الابيض

سرحتو و نزلتو مباشرة على دورة الكيك بحال لي كتشوفو فالصورة

دخلتها للثلاجة تبرد و زولتو






ها هو منين زولتو
نتمنى من الله ني نكون فدتكم
اي استفسار انا رهن الاشارة








دابا غادي نمرو لطريقة عمل كئوس شكلاط بورق البلاستيك المقوى الاستات







بنفس الطرقة لي عملنا فورق السلفيريزي كنعملوها بورق الاستات او البلاستك الخاص بالشكلاط



نلصقو جناب البلاستيك و نعملوه على ورق السلفيريزي و ندخلوه للتلاجة يبرد
منين برد عمرت الوسط بالشكلاط و رديتو مرة اخرى للتلاجة




ها هو وجد الكاس ديالي ممكن نعمرو باي حاجة بغيتها و ممكن نفس الطريقة نعملوها بورق السلفيريزي ايضا غير هو كيعدب بزآآآآاف
الميزة ديال هاد البلاستيك انو قوي و كيبقى شاد راسو


نتمنى من الله تكونو ستفدتو و اي استفسار انا رهن الاشارة
دمتم بود و في امان الله






هناك تعليقان (2):

  1. شكرا ختي تبارك الله

    زورينا على موقع بسومة : http://www.basouma.com/

    ردحذف
    الردود
    1. بارك الله فيك اختي و يكون لي الشرف حبيبتي
      ان شاء الله ندخل للموقع

      حذف