السبت، 8 ديسمبر 2012

موس كيك ديالchef executive Antonio Bachour







نتمنى من الله تكونو جميع فاحسن الاحوال يا ربي امين

هاد الكيك هي عبارة عن كيك فيه كتير من المراحل ولكن كيستحق التجربة

باش تعملوه قسمو الخدمة ديالو*

انا ديما كتكون عندي الپرالين و عجين النوازيت*

الماكارون عملتو فنهار و الكيك*

فمن بعد فقط عملت المونطاج ديال الكيك

هاد الكيك هي ديال 

chef executive Antonio Bachour

 و هو مصنف من احسن 10 ديال الشاف هنا فامريكا كان بوسطا المقادير و 

كنت قلت لو اني غادي نصيبها*

صيبتها مع بعض التغييرات لي عملت فالمقادير و كنت سيفطت لو الصور وو عجبوه بزاف*

المهم بلا تطوال على بركة الله نمرو للمقادير














اذن على بركة الله سنحتاج ل
كيك الدكواز باللوز
190 غ بياض البيض
70 غ سكر
135 غ سكر ڭلاصي
115 غ دقيق اللوز
40 غ دقيق
100 غ شكلاط محكوك


ستروسل بالنوازيت
انا هنا خلطت النوازيت مع الپيسطاش
110 غ بندق
90 غ دقيق
100 غ زبدة




ستروسل المحمرة و المقرمشة
100غ من (الستروسل لي عملنا بالنوازيت)
190 غ عجين نوازيت ( خلطت عجين النوازيت مع الپرالين باللوز )
90 غ سكر بني
50 غ بندق او بيسطاش
قليل من الملح


جيلي الفريز و المانڭو
170 غ فريز
30 غ سكر
250 غ مانڭو
6 غ جيلاتين



موس الشكلاط و عجين النوازيت
220 غ كريم سائل
60 غ عجين النوازيت
375 غ شكلاط
6 غ جيلاتين
375 غ كريم مطرب خفيف

ماكارون فهاد الرابط
كاكاوا جيلي فهاد الرابط




اذن نصلقو اللوز و نشفوه مزيان و كما قلت من قبل بالنسبة للوز لي كنستعملو سواء فالماكارون او هاد الانواع من الكيك خاصو يكون ناشف باش نقدر نطحنوه و نمنعو الزيت ديالو انها تتكون لانها ماغاديش طلع الكيك
اذن باش نتفادو هاد المشكل لازم نسخنو الفران شوية و نطفيوه ثم نعملو اللوز ينشف و نخرجوه و نخليوه يبرد عاد نطحنوه
نطحنو اللوز هو الاول ثم نضيفو السكر و نعاود نطحنو مرة اخرى



نغربلو الدقيق و السكر كلاصي المتبقي و الملح


نطربو ابيض اكبيض و نضيفو 70 غ  من السكر بشوية بشوية حتى يطلع لينا البيض بلحق ماخاصوش يكون قاصح
نضيفو خليط الدقيق و الوز و نقصو من سرعة الطراب

نضيفو الشكلاط المحكوك و نخلطو خفيف دائما

ندخلو الكيك لفرن ا كتر من المتوسط شوية
370 فهرنهايت 187 مئوية لمدة 11 دقيقة


نخرجو الكيك و نخليوها تبرد







نخلطو جميع مقادير الستروسل و ندخلهم للفران متوسط الحرارة لمدة 12 دقيقة
او حتى  يتحمرو ا نبقا نحركهم مرة مرة فلفرن باش مايتحرقوش من الجناب
نخرجهم من الفرن و نخليهم يبردو









نخلطو الپرالين و النوزيت و الستروسل و الپيسطاش و نعملهم على شكل دائرة تكون اصغر من الكيك لي غادي نعملوها فيه
ندخلوها للكونجيلتور لمدة 20 دقيقة







نعمل الجيلاتين فالما بارد حتى
نطحن الفريز و نضيف عليه السكر و المانڭو و ونعملهم يغليو
ثم نضيف عليهم الجيلاتين و نحركهم و نخليه على جنب يبرد







ندوب الشكلاط و نضيف عليه عجين النوازيت
و نخلطو حتى يتجانس معاه مزيان




نعمل 220 غ كريم علي عافية مهيلة ثم منين يسخن نضيف عليه الجيلاتين
و نحرك حتى يدوب الجيلاتين

نضيف الكريم و الجيلاتين على الشكلاط





نحرك مزيان حتى تولي عندنا كريم بحال لي فالصورة





نطرب الكريم و نضيف عليه الكريم ديال الشكلاط


نخلطو مزيان حتى تتجانس العناصر كلها



نعمل ورق السلفيريزي فالمول لي غادي نخدم فيه
و نعمل طبقة ديال الموس




نسرحها مزيان

 و ندخلها للكونجيلاتور واحد 5 دقايق

نعمل طبقة ديال جيلي ديال الفريز و لمانڭو
و ندخلها مرة اخرى للكونجيلاتور 


طبقة ديال الموس
نسرحها مزيان
نعمل طبقة ديال الستروسل و لپرالين





طبقة ديال الموس



نسرحها مزيان



نعمل الكيك انا هنا حيت كنت قطعت دائرة صغيرة ديال الكيك لاني كنت غادي نعمل مول صغير و غيرت رائيي من بعد فكملت ببقايا الكيك

دخلت الكيك للكونجيلاتو و خليتو يبرد تقريبا 6 ساعات و من الافضل يبقى فالتلاجة ليلة كاملة







عملت رولو ديال الشكلاط و دخلتو للثلاجة ينشف


خرجت الكيك من التلاجة و قديت الجناب 


عملت الشوكولا جيلي



زوقتها بالماكارون








ها هي منين وجدات





و هاهو منين قسمتها








هناك 4 تعليقات:

  1. دخلت الكيك للكونجيلاتو و خليتو يبرد تقريبا 6 ساعات و من الافضل يبقى فالتلاجة ليلة كاملة
    3afak ahbiba qoli wach ida khalinah lilla kamlla nkhaliwah f talaja 3adiya ola congelateur

    ردحذف
    الردود
    1. hbiba momkin dkhlih ghir lltlaja 3adi w tkhlih lila kamla ybat ana khlito faqat 6 sa3at hit kont mzroba bih f eda khltih ftlaja ybat madkhlihch llconjelateur bach mayqsa7ch bzaf w ghadi yakhd wqat kbir bach trja3 l7lwa f 7rarat lmatbakh

      حذف
    2. baraka llaho fiki wa as3adaki rabi

      حذف
    3. allahoma amin 7na w ntoma w jmi3 l3ibad

      حذف