الاثنين، 20 مايو، 2013

عجين مورق مقلوب روعة








السلام عليكم و رحمة الله
نتمنى من الله تكونو جميع فاحسن الاحوال يا ربي امين
هاد الوصفة ديال لعجين لمورق مقلوب هي وصفة رآآآآآآآآآئعة جدا و انا متاكدة و على يقين ان شاء الله اذا جربتوها ماغاديش تستغناو عليها
هاد الوصفة خاصة بالمملحات و لمعجنات و هي فالاصل ديال الشاف الفرنسي الكبيرpierre herme هو اول واحد خترع هاد لوصفة ثم خداوها شاف اخرين و طوروها و كاينين العديد من الطرق ليها انا شخصيا رتاحيت فهاد الطريقة 
بلا مانطول عليكم على بركة الله سنحتاج ل 





على بركة الله سنحتاج 
للتوراق
720 غ زبدة
320 غ دقيق الخاص بالخبز
للعجين سنحتاج ل
600 غ دقيق الخاص بالخبز
180 غ زبدة تقريبا دايبة
330 غ ماء مثلج
قليل من الملح
معلقة صغيرة من الخل






 على بركة الله نبدا بمقادير الزبدة و الدقيق و نعجنوهم مزيان 

نرشو المكان لي غادي نخدمو فيه بقليل من الدقيق و نطلق العجين طبعا الزبدة خاصها تكون باردة و الا غادي تبدا دوب
مترشوش الطحين بزاف انا رشيت الطحين بزآآآآآاف هنا و ماصدقاتش لي المرة الاولى حتى عاودتها



نطلقو العجين حتي يولي السمك ديالو 2 سم تقريبا و نعملوه فمقلة و نغطيوه و ندخلوه للتلاجة 2 ساعات








 نمرو لمقادير الدقيق نعجنوهم كلهم و نخلطو مزيان بالماء المثلج
بالنسبة' للماء كنعملو تقريبا 30 حتى ل 60 دقيقة فالكونجيلاتور قبل

 نعجنو العجين و نطلقوها فنصف حجم الزبدة لي طلقنا من قبل  و ندخلوها للتلاجة ساعة تقريبا


نخرجو عجين الزبدة و نعملو وسط منو عجين الدقيق

 نطويه عليه و نحاول ما امكن نزول بقايا الدقيق
 
 نطلقو 60 على 35 سم 


 نطوي العجين على 3 و ندخلو للتلاجة على الاقل ساعة وحدة
 نعاود نطلق لعجين 60 على 35 و نطويه هاد المرة على 4 او مايعرف بطوية الكتاب
كما في الصور



ندخلو للتلاجة يرتاح مرة اخرى ساعة و نصف او ساعتين

ثم نعاود  نطلقو و نطويه على 3 و ندخلوه للتلاجة 


ثم نعاود  نطلقو و نطويه على 3 و ندخلوه للتلاجة 



ثم نخرجو من التلاجة و نعاود نطلقو و نطويه على 4 او طوية الكتاب
و ندخلو للتلاجه على الاقل 6 ساعات او يبات من الافضل عاد يمكن لينا نخدمو به





منين كيطيب ماكايناش شي طبقة فيه ماكطيبش كيجي رآآآآآآائع و مقرمش خاصة للمملحات و العديد من المعجنات
نتمنى من الله انو يعجبكم و في امان الله

ليست هناك تعليقات:

إرسال تعليق