الخميس، 11 يوليو، 2013

اصابع الدجاج فالفرن لديدة و مقرمشة

 


السلام عليكم *ورحمة الله
نتمنى من الله تكونوي جميع فاحسن الاحوال يا ربي امين
هاد الدجاج كنعملو و كنخليه فالكونجيلاتور ليبقى غزآآآآآآل و منين كنبغيه كنخرجو و ندخلو لباشرة للفران يتحمر
 علي بركة الله سنحتاج ل
صدر دجاج مقطع بالطول
2 ابيض البيض
فلفل احمر
پارمزان
معدنوس
ملح
ابزار
شاپلير
رقائق كورن فليكس
 على بركة الله نرقد الدجاج فالحامض

نوجدو التخليطة ديالنا كلها و نخلطوها و نخليوها على جنب 
 نزول الدجاج من الحامض و مباشرة نرقدو فابيض البيض تقريبا 30 دقيقة
 نزلو من البيض و نعملو فالتخليطة ديالي لي حضرت سابقا

نستفو فمقلة و ندخلو للكونجيلاتور لمدة 30 دقيقة و اذا كنتو بغيتو تحتفضو به فالكونجيلاتور ماعليكم الا تخليوه يجمد ثم تفرقوه فخنيشات حتى تحتاجو 



انا دخلتو للفرن ساخن جدا تحمر مزيان
ها هو منين وجد
كيجي لديد و مقرمش و فنفس الوقت رطب من لداخل
نتمنى من الله انو يعجبكم و في امان الله

ليست هناك تعليقات:

إرسال تعليق