الخميس، 5 أبريل 2012

الماكارون الماكارون











اذن على بركة الله سنحتاج ل
150 غ دقيق اللوز هاهي الطريقة فالمشاركة رقم 20
150 سكر كلاصي
60 غ ابيض بيضة
بالنسبة للميرانك الايطالي
50 غ ابيض بيض
150 غ سكر
35 مل ماء
4 نقيطات عصير حامض







بالنسبة لدقيق اللوزفهاد الرابط
http://ghizlanesweets.blogspot.com/2011/01/tant-pour-tant.html
انا دائما كنصلق اللوز و نسفو و نعسخن الفران و ندخل ليه اللوز تقريبا واحد 3 حتى 4 دقايق ينشف
هنا كيما سفتو فالصور كنطحن اللوز و عاد نضيف عليه السكر كلاصي و نعاود نطحنو مرة اخرى
كنغربلو باش يكون شكل الماكارون ملس من لفوق لان الا ماتغربلش منين كيطيب الماكارون كتبان فيه الحبيبات ديال اللوز





نمرو لتحضير المرانك
نعملو السكر و الما على نار مهيلة ماشي مهيلة بزاف
و نخليوه يغلي و نحاولو مامكن باش السكر مايعملش لينا طبقة الكريسطال ديالو مرة مرة بداو تعملو شيتة لي كنسقيو بيها الحلوى فماء ساخن و ندوزوها على جناب الكاسرونة او المقلة
الا عندكم ميزان كعملوه فالسكر و الا وصل ل117 مئوية السكر وجد لينا
العملية كتاخد تقريبا10 ت 15 دقيقة



ثم نضيف السيرو ديالي على شكل خيط نهز يدي عالية نسبيا و نبدا نضيف السيرو و انا كنطرب على سرعة متوسطة
هنا منين ساليت السيرو
فهاد الرحلة كنضيفو اي ملون بغينا او ممكن تقسمو الميرانك على 2 او 3 و تضيفو الالوان لي بغيتو


كناخد 60 غ المتبقية ديال ابيض البيض و كنضيفا على دقيق اللوز و السكر كلاصي و كنضيف مغقة من الميرانك

و كنضيف الميرانك بشوية بشوية و نخلط بملعقة خشبية
انا هنا ماعملتش الميرانك كلو
الصورة كتوضح ليكم كيفاش خاصو يكون





كنعمل الميرانك فبلاستيك ديال الحلوى و نزلو بشوية و نعمل دائرة نحاول مآمكن تكون مقادة
منين كنزل الدائرة فالاول كيبقى فيها واحد الراس و من بعد تقريبا دقيقة كتولي ملساء
ندخلها لفرن على درجة حرارة 325 فهرنهايت 162 مئوية لمدة 16 دقيقة




الماكارون كيخصو يكون مقرمش من برا و رطب من الداخل






نتمنى من الله نكون توفقت فالشرح و اي استفسار انا رهن الاشارة  في امان الله





 بعض المرات كنعملو على شكل دائري منين كنكون غادي نعمل الموس كنعوض الطبقة ديال الجنواز بالميرانك بحال لي عملت فهاد لا موس بالشكلاط
نتمنى من الله نكون توفقت فالشرح و اي استفسار انا رهن الاشارة
في امان الله

هناك 7 تعليقات:

  1. تبارك لله عليك احبيبة دائما متألقة ماشاء لله عليك وحتى الموس باين كيحمق ان شاء لله تنزلي لينا الطريقة ديالو انا طماعةخصني نتعلم كلشي ههههههههههه

    ردحذف
    الردود
    1. الله يبارك فيك و يسلمك ا حبيبة لهلا يخطيك
      ان شاء الله نزلو ليك احبيبة كوني هانية قريب نزلو مع شكيلات اخرى ان شاء الله

      حذف
  2. روعة الله ارحم للي علمك

    ردحذف
  3. salam..tbarkallah 3lik Allah yjazik kol kheir

    ردحذف
    الردود
    1. wa alikom asslam khti fatima
      allh ybara fik w yslmk a khiti chokran bzaaaaaaaaaaaf

      حذف
  4. ? 3afak ana mafhmtch hadak da9i9 louZ wash fih sucre déja?

    ردحذف