الثلاثاء، 1 يناير 2013

اوپرا بشكل جديد و جميل جدا



نتمنى من الله تكونو جميع فاحسن الاحوال يا ربي امين
الكيك ديال اليوم ان شاء الله هي كيك اوپرا ولكن بطريقة مختلفة نسبيا
كنت بغيت نعملو ولكن قلت لابد مانضيف ليه نكهات جديدة
فبالنسبة للجوكوند عوضت اللوز بالڭرڭاع او الجوز
بالنسبة لكريم الزبدة دخلت عليه نكة البرالين و الپيسطاش
بالسنبة لڭناش ديال الشكلات دخلت عليها البرالين
درت لو زواق مختلف كيما غادي تشوفو معايا ان شاء الله
على بركة الله سنحتاج ل



















الجوكوند بالڭرڭاع
ع300 غ بيض كامل
250 ڭرڭاع ( جوز )
200 سكر ڭلاصي
30 غ سنيدة
195 غ ابيض البيض
60 غ طحين


لسقي الكيك
قهوة سريعة الذوبان + ماء + سكر





بالنسبة لكريم الزبدة سنحتاج ل
250 مل كريم سائل
90 غ سكر سنيدة
90 غ اصفر البيض تقريبا اصفر البيض لي كيتبقى
250 ع زبدة
2 م ك قهوة سريعة الذوبان

50 غ عجين الپيسطاش
100 غ پرالين

بالنسبة لكريم الشكلاط
350 غ كريم سائل
350 غ شكلاط
45 غ زبدة
100 غ پرالين

بالنسبة لكلاصاج 

http://ghizlanesweets.blogspot.com/2012/06/ganache-de-lux.html
على بركة الله نشعلو الفران يسخن



نطحنو الڭرڭاع ( الجوز ) مع السكر ڭلاصي







 نطربو البيض الكامل مع طحين اللوز و الطحين ما بين 7 حتى ل 10 دقايق



نطربو ابيض البيض مع السكر حتى يطلع لينا مزيان ولكن فنفس الوقت مايكونش ناشف



 و نضيفو ابيض البيض
 نخلطو مزيان

 نسرحو العجين فالمقالي ديالنا و ندخلوهم للفرن

ندخلهم للفران مابين 15 تال 18 دقيقة او حتى يبداو يتحمرو




ها هما منين خرجتهم من الفرن
نخليوهم على جنب يبردو






نمرو الان لتحضير كريم بالزبدة





 نعملو الكريم يسخن

 و نطرب اصفر البيض مع السكر و الپرالين و الفاني و الپيسطاش و القهوة

نضيف الكريم على هاد الخليط


 نضيف الكريم الساخن على البيض و نطربو شوية



 ثم نعملو يغلي تقريبا 13 دقيقة على نار مهيله"

نطفي البوطا و نعمل الخليط فزلافة كبيرة و نطربو







 و نستمر فالتطراب حتى يبرد الخليط 

عاد نضيف الزبدة بشوية بشوة بحال لي فالكيك السابق ها هو الرابط
http://ghizlanesweets.blogspot.com/2012/02/blog-post_14.html


انا هنا خليتو كيطرب و سهيت مع بنتي
منين رجعت لقيت لكريم و لازبدة ولاو بحال هكا

خديت تقريبا 250 مل كريم سائل و طربتو

ضفت عليه قهوة و الپرالين و الپيسطاش و بديت كنضيف كريم الزبدة لي تحبب

كان غادي يوقع نفس المشكل ولكن الحمد لله تفاديتو شوية




نعمل الكريم يسخن


ضفت الپرالين على الشكلاط الدايب و خلطتو

ضفت ليه الكريم الساخن و بديت كنخلط باش تتجانس جميع العناصر
ثم ضفت لي الزبدة


ها هو منين وجد خلليتو يبرد

خديت الجوكوند و عملتاه فقلب القالب ديال الكيك
سقيتها بالقهوة
عملت طبقة ديال كريم الزبدة
عملت طبقة اخرى و سقيتها
 و عملت طبقة كريم الشكلاط
عملت الطبقة الاخيرة و سقيتها
 و عملت طبقة اخرى من كريم الزبده
عملت الكناش و دخلتها للتلاجة
عملت عليها الشريط ديال الشكلاط لي فهاد الرابط
http://ghizlanesweets.blogspot.com/2012/12/blog-post_26.html

زوقتها بالشكل لي كتشوفو كلها بعجين الشكلاط


دخلتها للتلاجة ليلة كاملة












ها هي منين قسمتها
نتمنى من الله انها تعجبكم
في امان الله






هناك 5 تعليقات:

  1. الله يعطيك اختي صحة معندي منقول كولشي هو هداك

    ردحذف
    الردود
    1. الله يبارك فيك و يسلمك اكتي ام ياسين و شكرا جزيلا لك

      حذف
  2. khty ana kounte jerebte had opéra wahed mera mais matwefe9ete fiha w ma3erefte 3lach, mais rah dyalek 3ejebateni w ze3ema ila tebe3eteha ghadi tjini b7al dyalek?

    ردحذف
    الردود
    1. ana mnzla hna 2 cake opera w b2 kaysqo mzyanin ahbiba
      ma3arftch achno lkhta li momkin tkoni 3malti bach masdqatch lik a khiti
      eda twkalti 3la allah incha allah tsdaq lik a7ssan mn hadi

      حذف
  3. السلام علكم مدونتك رائعة فعلا وليس لها مثيل عربيا غير عندي ملاحظة صغيكرونة لاحظت ان وصفاتك عالمية داكشي علاش كاينين شي اسماء غريبة على الاقل ليا كمبتدئة بحال متلا فهاد الوصفة شنا هو الجوكند واشناهيا اصلا اوبرا حبذا لو تعرفي لينا منين اصل الوصفة فرنسية ايطالية الخ والمقومات لي غريبة كالجوكند متلا فهاد الوصفة واشهو صلصة او عجينة ولو كان ليك سبقتي درجتيه فالمدونة مدي لينا الرابط وترفقي بنا الله يرحم الوالدين ايه على فكرة جربت كيك رولي ديالك مرتين وفشلت فشلا ذريعا وبمرتبة شرف مازال .....شكرا على مجهوداتك جزيتي خيرا والسلام عليكم

    ردحذف