السبت، 25 أغسطس 2012

شكلاط معمر بالكريم و الپيسطاش

 السلام عليكم و رحمة الله


بعد غياب طويل رجعت ان شاء الله للمدونة و ان شاء الله رجعت بالجديد
عيدكم مبارك سعيد و كل عام و انتم بخير يا ربي امين



الوصفة ديال اليوم ان شاء الله هي عبارة عن شكلاط معمر بالكريم و الپيسطاش
تصلاح للاعراس و المناسبات
اذن على بركة الله سنحتاج ل


300 غ كريم سائل
250 غ بيسطاش ( ممكن تعوضوه باللوز او اي مكسرات تفضلوها )
60 غ كليكوز 
500 غ شكلاط ابيض
شكلاط اسود دايب على حسب الحاجة


على بركة الله نعملو الكريم و الپيسطاش يسخنو حتى الغليان
نضيفو الڭليكوز 


نعملوهم فالخلاط و نطحنوهم مزيان 

نضيفو الشكلاط الايبض و نعاود نطحنو 
للاشارة المكونات الاولى خاصها تكون سخونة باش يدوب لينا الشكلاط 

الخليط اصبح تقيل بحال لي باين فالصورة

نعملو فقالب و ندخلو للثلاجة على الاقل 24 ساعة
من بعد 24 ساعة نخرج القالب من التلاجة نقطعو

و نكون حضرت الشكلاط دايب نعملو القطع ديالي فيه و نعاود ندخلهم للثلاجة يبردو








 الشكلاط ديالي ها هو وجد نتمنى من الله انو يعجبكم 
في مان الله

هناك 4 تعليقات:

  1. السلام عليكم,
    متى تستعملين الكليكوز في هذه الوصفة؟
    ولك مني جزيل الشكر.

    ردحذف
    الردود
    1. و عليكم السلام و رحمة الله
      تم اصلاح الخطأ
      اضيف الڭليكوز بعد غليان الكريم و الپيسطاش مباشرة
      شكر جزيلا للتنبيه

      حذف
  2. بل الشكر لك أختي على مجهوداتك، وعدم بخلك علينا بالردود,
    بارك الله فيك و أصلح لك ذريتك

    ردحذف
    الردود
    1. اللهم امين اختي و شكرا جزيلا لدعواتك الطيبة و لك بالمثل يا ربي امين

      حذف