الأحد، 13 أكتوبر، 2013

كبدة مشرملة

السلام  عليكم و رحمة الله
ايام مباركة ان شاء الله و تقبل الله منا و منكم صالح الاعمال ياربي امين
وصفة اليوم ان شاء الله هي الكبدة مشرملة
اول مرة عملتها كانت من كتاب الطبخ المغربي ل لطيفة بناني السميرس و كانت جات لديدة بزآآآآاف و هي لي معتمدة عندي
انا هنا عملت نفس الطريقة مع بعض التغييرات
فالوصفة الاصلية ديال بناني السميرس كتشرمل الكبدة فقليل من الشمولة و كتعملها فال؛طحين و كتقليها فزيت ساخن لمدة 4 او 5 دقائق هي كتجي لديدة بزآآآآآآف انا هنا ماعملتهاش فالزيت 
على بركة الله سنحتاج ل

نصف كيلو كبد
2  معالق كبار قزبور مقطع صغير
3 فصوص توم محكوك
2 معالق كبار فلفل احمر
فلفل حارحسب الذوق
1 ملعقة كبيرة من الكمون
1 ملعقة كبيرة من الخل
ملح
نصف كيلو طماطم
انا ضفت ابزار
ملعقة كبيرة معجونالطماطم
1 ملعقة كبيرة معدنوس
2 معالق زيت الزيتون
5 او 6 بصل طويل اخضر مقطع صغير



نخلطو جميع التوابل 
نقطعو الكبدة بالطول اذا كنتو غادي تعملوها بالطهىن و تقليوها او تقطع صغيرة
نشرملو الكبدةفالشرمولة و نخليوها تقريبا 2 ساعات فالتلاجة


نعمل 6 معالق زيت زيتون تسخن فمقلة و نقلي فيها طماطم لي قطعت مكعبات و نخليها تحمر مع قليل من الملح و الفلفل اسود
عندما تتحمر الطماطم نضيفو البصل و نخليوه يتقلى
ثم نضيف معجون الطماطم
و نحركو حتى تندمج العناصر كلها

نضيفو الكبدة بالشرمولة و نضيفو نص كاس ماء و نخليوها طيب على نار مهيلة جدا



ها هي منين وجدات نتمنى من الله انها تعجبكم و في امان الله

ليست هناك تعليقات:

إرسال تعليق