الأربعاء، 30 أكتوبر، 2013

عجين السكر بالمارشميلو رآآآئع جدا

السلام عليكم و رحمة الله
نتمنى من الله تكونو جميع فاحسن الاحوال
هاد عجين السكر بالمارشميلو وصفة رآآآآآآائعة خديتها من الانترنيت كما هي الله يجازي صاحبتها كل خير و هي ماشاء الله عليها متمكنة فمجال عجين السكر و ماكتبخلش بوصفاتها و هي عندها اكتر من 20 سنة خبرة فمجال عجين السكر و هاد العجين ديالها هي شخصيا 
انا كنت نزلت من قبل عجين السكر بالمارشميلو ولكن هدا احسن بمراحل كتيرة ننصحكم تجربوه
على بركة الله سنحتاج ل
على بركة الله سنحتاج ل
450 غ مارشميلو 
30 مل ماء
قليل من الملح
30 مل عصير الحامض
30 مل كورن سيراپ او ڭليكوز
30 مل ڭليسيرين (يمكن الاستغناء عنه)
ڤانيلا
6 معالق كبار زيت نباتية
900 غ سكر ڭلاصي مغربل
نعمل المارشميلو الحامض و الماء و الڤانيلا و 3 معالق زيت و الكورن سيراپ فلمايكروند او المايكرويڤ او على حمام مائي و نخليوه يدوب 
فالميكروند او المايكرويڤ تقريبا 2 دقائق ولكن نفتحو و نحركو كل 15 تانية
ثم نحركو حتى يدوب

ندهن الزلافة لي غادي نخدمو فيها بال3 معالق الباقيين ديال الزيت و نعمل المارشميلو و نبدا نضيف السكر لمغربل بشوية بشوية




انا عملت السكر كلو 
لعجين كيكون متماسك
الميزة فهاد العجين اننا ممكن نستخدموه عنفس الوقت او نحتفضو به فالتلاجة


رآآآآآآئع جدا و كيتجبد و اكيد كل الشكر موصول لصاحبة الوصفة الاصلية الله يجازيها بكل خير
نتمنى من الله نكون فدتكم و في امان الله

ليست هناك تعليقات:

إرسال تعليق