الثلاثاء، 29 أكتوبر 2013

خبيزات باللبن خفاف و لداد


 السلام عليكم و رحمة الله
نتمنى من الله تكونو جميع فاحسن الاحوال 
هاد لخبيزات باللبن كيجيو خفاف بزآآآآف و لداد نتمنى من الله انهم يعجبوكم
على بركة الله سنحتاج ل



 500 غ دقيق
300 مل لبن فحرارة المطبخ
بيضة فحرارة المطبخ
معلقة صغيرة سكر
قليل من الملح
15 غ خميرة الخبز مطلوقة فقليل من الماء الساخن
70 غ زبدة فحرارة المطبخ

 على بركة الله نخلطو جميع المقادير باستثناء الزبدة
ملاحظة ممكن تحتاجو كمية لبن اكثر على حسب نوع الدقيق 
لان العجين لازم ما يكون خفيف


 ثم نعجنو العجين 
هنا كيما شفتو كيكون خفيف

 نضيفو الزبدة و نعجنو مرة اخرى


 نغطيوه و نخليوه يخمر

 تم نشكلو كويرات و ندهنو بالحليب و نخليه يخمر مرة اخرى


دخلتو لفران متوسط الحرارة و خليتو تقريبا 25 حتى ل 30 دقيقة حتى يتحمر





نتمنى من الله انو يعجبكم و في امان الله

ليست هناك تعليقات:

إرسال تعليق