الأحد، 3 نوفمبر 2013

ميلفوي بالتفاح كاراميليزي









السلام عليكم و رحمة الله
نتمنى من الله تكونو جميع فاحسن الاحوال
هادي مدة طويلة ماعملتش ميل فوي و كيف العديد منكم عارفين اني من عشاق الميل فوي قررت البارح اني نعملها و لكن بدلت فيها قليلا نتمنى من الله انها تعجبكم




على بركة الله سنحتاج ل
2 تفاحات او حسب الحاجة
2 معالق عصير حامض
معلقة سكر او اكتر حسب الدوق
قليل من القرفة
20 غ زبدة
بالنسبة للكرامل
5 معالق كريم سائل
معلقة صغيرة ڭليكوز
2 معالق سكر
رقائق تفاح 

كنحضرو عجين المورق و نقطعوه بالشكل لي بغينو و نعملوه فالفرن 

نحضرو الكريم پاتسيير و نخليوه يبرد






كنقطعو التفاح و نضيفو لو السكر و الحامض و القرفة و معلقة صغيرة زبدة 
كنخليوه على نار متوسطة تقريبا 8 دقائق او حتى يبدا يتعسل




كناخدو التفاح و نقطعوه رقائق كما فالصورة و نعملوه مباسرة ف معلقة صغيرة حامض و 2 معالق سكر و نشفوهم ثم ندخلهم لفرن متوسط الحرارة ما بين 5 حتى 8 دقائق حتى يتحمرو




عند التقديم نعملوالكريم و السكر والڭليكوزفمقلة و نستمرو فالتحراك حتي يدوب السكر انا هنا كنت باغا اللون يبقى ابيض فخليتو على النار تقريبا 5 دقايق و فنفس الوقت كان عندي الڭناش واجد سخنتو و عملتهم ب 2 فطبق التقديم
عملت الكريم پاتسيير مع التفاح على العجين مورق
كملت كل الطبقات ديالي
حضرت الطبق لي غادي نقدم فيه
زوقت الجناب بالشوكولا
نزلت الميل فوي زوقتها بالكريم شونتي و عملت عليها قليل من الكاكاوا بدون سكر و رقائق التفاح






ها هو منين وجد نتمنى من الله انو يعجبكم لا تنسونا من صالح دعائكم و في امان الله

هناك تعليقان (2):

  1. ila makanch 3andi glicos bach ne9der n3awdo o chkran lehla ykhatik 3lina

    ردحذف
    الردود
    1. mmkin t3wdo bl3sal w khlih 3la nar mhoila bach mayt7raqch ghadi ykon lwan chwya aghmaq
      barak allah fik

      حذف