الأربعاء، 6 نوفمبر، 2013

سابلي بالپرالين من الذ و اروع ما يكون


 السلام عليكم و رحمة الله
نتمنى من الله تكونو جميع فاحسن الاوال
سنة هجرية سعيدة على الجميعلبارح عملت سابلي و كان عندي قليل من الپرالين ضفتو عليه انا هنا عملت و بالنسبة للزوق زوقتو بعجين اللوز و وحدين اخرين زوقتهم بخليط من الكوك و البسكوي مع الكرامل
نتمنى من الله انو يعجبكم
على بركة الله سنحتاج ل


 بالنسبة للسابلي
250 غ دقيق
180 غ زبدة فحرارة المطبخ
1 معلقة كبيرة سكر ڭلاصي او اكتر على حسب الدوق
تقريبا 2 معالق كبار پرالين من هنا
http://ghizlanesweets.blogspot.com/2011/01/250-130-2-chef-bernard.html
ڤانيلا
للتزين
50 غ بسكوي
75 غ كوك
1 معلقة كبيرة شوكولا للدهن متل نوتيلا
2 معالق كبار كرامل او حليب مركز حلو 
شوكولا ڤرميسيل سوداء هنتها بغبرة دهبية
عجين اللوز
http://ghizlanesweets.blogspot.com/2013/03/blog-post_9437.html
او ممكن تختارو الوصفة لي تناسبكم من ارشيف المدونة



 على بركة الله نطرب الزبدة و السكر ڭلاصي و الڤانيلا تقريبا 2 دقائق



 نبدا نضيف الدقيق بشوية بشوية حتى تجمع العجين و كيكون خفيف نسبيا

  نضيف الپرالين و نخلطو

نجمعو العجين و نعملوه فپلاستيك غدائي و نتركه فالتلاجة تقريبا 6 ساعات او ليلة  كاملة

 تاني يوم طلقتو و عملت منو هاد الاشكال
دخلتو لفرن حرارة اقل من متوسطة تقريبا 13 دقيقة
 خرجتو من الفرن و خليتو يبرد

 نمرو لتحضير الحشوة
خلطت كل مقادير البسكوي و الكوك و الكرامل و نوتيلا و طحنتهم حتى تجمعو مثل الكرة

قطعت منو هاد الاشكال و غطستهم فالشكلاط بالحليب و خليتهم ينشفو و عملتهم فوق من السابلي





 بالنسبة للجناب دهنتهم بالمربى و خديت قليل من الشكولا ڤرميسيل و دهنتها بالغبرة دهبية و لصقتها فجناب


بالنسبة للشكل الاخر
طلقت عجين اللوز رقيق و قطعتو و زوقتو كيما كتشوفو





نتمنى من الله ان الفكرة تكون عجباتكمو نكون فدتكم
لا تنسونا من صالح دعائكم و في امان الله

ليست هناك تعليقات:

إرسال تعليق