السبت، 7 سبتمبر 2013

كوكيز براونيز رآآآآآآآآئعين جدا



السلام عليكم *و رحمة الله
نتمنى من الله تكو نو جميع فاحسن الاحوال يا ربي امين
هاد الكوكيز براونيز كيعجبوني بزآآآآآف حيت كيجيو معلكين و ما هما ككيز ما هما براونيز
نتمنى من الله انهم يعجبوكم
على بركة الله سنحتاج ل
2 بيضات فحرارة المطبخ
120 غ سكر
ڤاني
240 غ شوكولا 60 فلمئة كاكاوا او اكتر
45 غ زبدة فحرارة المطبخ
قليل من الملح
40 غ دقيق انا اول مرة عملتهم زدت فالدقيق عملت تقريبا 70 غ
ولكن مانصحكمش هما جاو زوينين بزآآآآآآاف ولكن تاني مرة عملتهم و التزمت بالمقادير جاو احسن بزآآآآآف
راس معلقة صغير خميرة






ندوبو الشكلاط و الزبدة و نخليوهم على جنب يبردو




على بركة الله نطرب السكر و البيض و الفاني حتى يتضاعف الحجم ديالو تقريبا بحال لي كنعملو فالجينواز



ثم نضيفو الشكلاط الذايب و نخلطو




نضيفو الدقيق و الخميرة و الملح مغربلين و نخلطو بالسپاتولا
نخليوها تبرد فالتلاجة تقريبا 30 دقيقة
نشعلو الفرن على حرارة اكتر من المتوسطة

نعملوها فاللاطة بهاد الشكل و لازم تكون متباعدة
ندخلوها لفرن تقريبا 8 حتى 10 دقايق

ها هي منين خرجتها من الفرن
كتجي لديدة و معلكة هادي منين عملتها المرة الاولى









و هنا منين عاودتها لمرة التانية جات احسن بزآآآآآآآف
نتمنى من الله انها تعجبكم و في امان الله

ليست هناك تعليقات:

إرسال تعليق