الأحد، 5 فبراير 2012

سابلي ديال الضامة


 السلام عليكم و رحمة الله

اليوم على بركة غادي نزل الوصفة ديال هاد الحليوة ديال الشطرنج

اذن على بركة الله سنحتاج ل 2 انواع ديال العجين
الاول بالفانيلا'
الثاني بالشكلاط
اذن على بركة الله سنحتاج ل
عجين الفانيلا
250غ زبدة
120 غ سكر
2 بيض
قليل من الملح
2 فانيلا
90 غ دقيق اللوز
360 غ دقيق

 بالنسبة لعجين التاني سنحتاج باذن الله ل
250غ زبدة
150 غ سكر
2 بيض
فانيلا
45 غ دقيق اللوز
45 غ شكلاط اسود غبرة
320 غ دقيق

 بالسبة لدقيق اللوز موجود فهاد الرابط
http://ghizlanesweets.blogspot.com/2011/01/tant-pour-tant.html



اذن على بركة الله نطحن اللوز و نغربلو
نضيف عليه سكر كلاصي و نطحنو مرة اخرى
نطرب الزبدة و السكر حتى تصبح عندنا كريما خفيفة
نضيف البيض وحدة بوحذ و نطرب بعد كل اضافة
نضيف دقيق اللوز و الدقيق و نخلط حتى تمتزج العناصر

العجين كيكون خفيف
نعملو فبلاستيك و ندخلو للثلاجه 3 ساعات على الاقل

بالنسبة للعجين التاني
نغربلو الدقيق و الشكلاط غبرة اسود و نخلطهم مع دقيق اللوز و نخليوهم على جنب



كنقوم بنفس خطوات العجين الاول
تم كنضيف الدقيق المغربل

نخلط حتى تمتزج جميع العناصر
نعملو فبلاستيك و ندخلو للثلاجة
نعد 3 ساعات تقريبا
كناخد العجين لازم يكون بارد
نقسم كل نوع ال 2 كرات

نطلق الكرة الاولى فانيلا نخلي سمك تقريبا سنتيم و نصف
تم التانية شوكولا
تم فانيلا
ثم شوكولا
اذا حسينا بان العجين بدا كيسخن ندخلوه للثلاجة حتى يبرد

نقسمو العجين بحال لي فالصورة
ثم نزل القطعة الاولى بهاد الشكل بحيث كنشوف انوغ العجين ابيض اسود ابيض اسود
نزل القطعة التانية و نخالفها بحيت يصبح عندنا اسود ابيض اسود ابيض

تم نخالف القطعة الثالثة بحيث تصبح ابيض اسود ابيض اسود
  ندخلوه للثلاجة تقريبا ساعة

نطلقو قطعة من العجين الاسود
و نعملو فيها قطع العجين ديالنا
نغلفو العجين بهاد القطعة
ندخلوه للثلاجة حتى يبرد مزيان
ث نبداو نقطعوه

ندخلوه للفرن متوسط الحرارة مابين 18 تال 25 دقيقة او تانشوفو بدا كيتحمر


ها هما منين وجدو نتمنى من الله انهم يعجبكم و في امان الله


 

هناك 6 تعليقات:

  1. CHOKRAN GHEZALA

    ردحذف
  2. الله يجازيك بخير ويجعلهم في ميزان حسناتك
    على كل الوصفا الرائعة
    وانا واخوتي البنات ديما كنتابعو الجديد ديالك

    الف تحية وشكر

    ردحذف
    الردود
    1. بارك الله فيك و شكرا جزيلا لكم

      حذف