السلام عليكم و رحمة الله
تقبل الله منا و منكم صالح الاعمال
هاد الپتي پان كيجي لديد و غزآآل*
على بركة الله سنحتاج ل
500 غ دقيق*
25 غ خميرة العجين او 15 غ خميرة فورية
ملح
50 غ سكر
25 غ حليب غبرة
250 مل ماء
300 غ زبدة
بيضة لدهن الوجه
على بركة نعملو الخميرة مع قليل من الما دافي و نخليوه حتى يتضاعف الحجم ديالها
نخلطو جميع المقادير و نضيفو الما و نعجنو مزيان
العجين لازم مايبقى خفيف ماشي قاصح كيما كتلاحظو فالصور كيبقى لاصق شوية فاصبع اليد
نغطيوه و نخليوه يخمر فحرارة المطبخ
حتى يتضاعف الحجم ديالو
ناخدو نرش المكان لي غادي نعمل فيه بالدقيق و نطلق العجين شوية*
نطوية على 2
ثم على 3 بحال لي فالصور
نلويه فپلاستيك و ندخلو للتلاجة ليلة كاملة او على الاقل 8 ساعات
من بعد ما بات فالتلاجة خرجتو و طلقتو بالمدلك و عملت الزبدة وسط العجين و عملت الطرف التاني و ضغطت على الجناب
تم بالمدلك بديت كنعمل ضربات باش الزبدة تتوزع فكل انحاء العجين و كذلك باش ماتخرجش ليا
ثم سرحت العجين و طويتو على 3
ثم سرحت العجين مرة اخرى و طويت على شكل كتاب هاد المرة يعني على 4
عاودت نفس العملية 2 مرات يعني مرة على 3 تم على 4 و دخلتو للتلاجة يرتاح 2 سوايع
خرجتو من التلجة و سرحتو و شكلتو كيما بغيت و دهنتو بالبيض و خليتو يخمر على راحتو
دخلتو للفرن متوسط الحرارة 25 دقيقة او على حسب الفرن ديالكم حتى يتحمر مزيان
عملت عليه مربى المشمش و قليل من الپرالين خلطتهم و عملتهم على نار مهيلة و دهنت بهم وجه لپتي پان ديالي
نتمنى من الله انو يعجبكم و في امان الله
ليست هناك تعليقات:
إرسال تعليق