السلام عليكم و رحمة الله
تقبل الله منا و منك *صالح الاعمال
نتمنى من الله تكونو جميع فاحسن الاحوال يا ربي امين
هاد الخبيزات كيجيو غزآآآآآآآآآلين و خفاف و مفسفشين هما فالاصل الخبز التقليدي ف هاويي
كنت قريت بزآآآآآآآف عليه انو كيجي زوين و خفيف و قررت نجربهم المشكل فكرة الاناناس ماكانتش داخلة لي لبالي ولكن النتيجة كانت رآآآآآآآئعة جدا
كنت قريت بزآآآآآآآف عليه انو كيجي زوين و خفيف و قررت نجربهم المشكل فكرة الاناناس ماكانتش داخلة لي لبالي ولكن النتيجة كانت رآآآآآآآئعة جدا
على بركة الله سنحتاج ل
80 مل حليب دافي
8 10 غ خميرة
100 غ سكر
60 مل زيت الزيتون
60 غ زبدة فحرارة المطبخ تقريبا دايبة
2 بيضات فحرارة المطبخ
220 غ اناناس مطحون مع قليل من الماء ديالو
520 غ دقيق لي كنستعملو للخبز
قليل من الملح
للدهن
بيضة
ملعقة كبيرة من الماء
على بركة الله
نخلطو الحليب الدافي و الخميرة و نخليوها حتى تعمل الفقاعات محو لي مشات لي الصورة الاولى هنا بدات كتعمل الفقاعات
نضيفو الزبدة و الاناناس و الملح و السكر و نخلط
نبدا نضيف الدقيق بشوية بشوية
لعجين كيكون كيلصق فاليدين و معلك
غطيتو و خليتو حتى كمر تقريبا ساعة و نص او على سب درجة حرارة المطبخ
من مورا ما خمر شعلت الفران على حرارة متوسطة
عملت لعجين كويرات متباعدين و عملتهم فالمقلة و خليتهم يخمرو مرة اخرى
منين خمرو دهنتهم بالبيض و لما و دخلتهم للفران تقريبا 20 حتى ل 25 دقيقة حتى يتحمرو
ها هما منين خرجتهم من الفرن
مقطنين و لداد ماتشبعوش منهم و خفآآآآآآآآف
منين يبردو ممكن تعملوهم فالكونجيلاتو و منين تبغيوهم خرجوهم و خليوهم يتطلقو فحرارة المطبخ و سخنو الفرن و وعملوهم فيه حتى يسخنو و ها هما واجدين نتمنى من الله انهم يعجبوكم و في امان الله
تقبل الله منا و منكم صالح الاعمال
ليست هناك تعليقات:
إرسال تعليق