الجمعة، 28 يونيو، 2013

تارت بالتفاح لديدة راقية و سهلة التحضير




السلام عليكم و رحمة الله
تقبل الله منا و منكم صالح الاعمال يا ربي امين
هاد التارت كتجي لديدة صراحة و هي بسيطة و سهلة التحضير
الفرن لازم مايكون سخون من قبل باش يساعد السكر يدوب*
على بركة الله سنحتاج ل
للعجين
210 غ دقيق
35 غ سكر ڭلاصي او اقل*
125 غ زبدة فحرارة المطبخ
25 غ لوز مطحون
فانيلا
بيضة فحرارة المطبخ
للحشو
3 تفاحات مقطعين و عملناهم فقليل من الحامض
150 غ سكر سنيدة
قليل من القرفة
مكسرات للتزيين اختياري




على بركة الله نخلطو جميع المقادير ديال العجين و نخليوهم يتعجنو*


خليتو يرتاح فحرارة المطبخ 30 دقيقة

سخنت الفران على 350 درجة
سرحت العجين ما بين 2 ورقات سلفيريزي و عملتو فقلب المقلة



للاشارة انا هنا عملت مقلة 20 سم





نزلت عليه التفاح
و رشيت عليه السكر و القرفة و دخلتو للفرن
تقريبا ما بين 35 حتى ل 45 دقيقة


هنا تقريبا من بعد 30 دقيقة يلاه بدا السكر كيدوب



ها هي منين وجدات*
خليتها تبرد فحرارة المطبخ تم دخلتها للتلاجة


زينتها بالپيسطاش و الفريز نتمنى من الله انها تعجبكم 
و الله يتقبل منا و منكم صالح الاعمال 


هناك تعليق واحد:

  1. tbarklah 3lik hadchi rzal merciiiiiiiiiiiii bc

    ردحذف