السبت، 22 يونيو، 2013

شنيك رآآآآآئع و لديد و عجينتو اروع






 السلام عليكم و رحمة الله
تقبل الله منا و منكم صالح الاعمال
على بركة الله هاد العجين ديال السينمون رولز كيجي غزآآآآآآآال بزآآآآآف و ان شاء الله غادي يعجبكمم و ماغاديش تستغناو عليه بحالي
للاشارة انا ماكتعجبنيش القرفة بزآآآآآف لذلك غيرت الحشوة و عملتها بكريم ڭناش بالقهوة و عجين النوازيت ممكن تعملو اي حشوة نتوما تفضلوها
العجين فيه 2 ديال المراحل و هي مهمة بزاف باش يصدق لينا و كذلك نوع الدقيق حتى هو مهم من الافضل تستعملو الدقيق ديال لاعجين ديال الخبز



على بركة الله سنحتاج ل
160 مل حلب
60 غ زبدة باردة و مقطعة
125 مل لبن
60 مل زيت نباتي
20 غ خميرة
100 غ سكر
1 ملعقة صغيرة ملح
فانيلا
1 بيضة فحرارة المطبخ و اصفر بيضة
490 غ دقيق 
معلقة ونص مايزينا 
معلقة صغيرة خميرة الحلوى

بالنسبة لعجين القرفة
100 غ سكر بني
معلقة من الشوكولا غبرة من دون سكر
50 غ زبدة دايبة
ربع ملعقة كبيرة قرفة
نخلطو جميع المقادير مع الزبدة الدايبة و ندهنو بيهم العجين

على بركة الله نعملو الزبدة و الحليب يسخنو غير يبداو يغليو نزولوهم من العافية و نخليوهم يبردو شوية تقريبا 8 حتى ل 10 دقايق

نضيفو الزيت ثم اللبن

الخليط يبقى دافي ماشي بارد و ماشء سخون

 نعملوه الخليط فالعجانة او فالمكان لي غادي تعجنو فيه و نضيفو الخميرة و نخلطو باش دوب لينا الخميرة*



نضيفو البيض الفاني و السكر و الملح و نخلطو حتى تتمازج لينا العناصر




نضيف 460 غ من الدقيق و نعجنو

 نعجنو تقريبا واحد 5 دقيق العجين كيكون ملصق نسبيا ماشي قاصح



كيما كتشوفو كيفاش لصق فيدي

نغطيوه و نخليوه يخمر فحرارة المطبخ حتى كيضاعف الحجم ديالو



منين يخمر نردوه للعجانة و نضيفو الدقيق المتبقى و مايزينا و الخميرة ديال الحلوى


نعجنو حتى تتجانس كل العناصر





نرش المكان لي غادي نعجن فيه بالدقيق
و نبدا نطلق العجين ديالي



كيما سبق و قلت انا خلط الڭناش مع عجين النوازيت و عملتهم وسط العجين*
ممكن تعملو العجين ديال القرفة اذا بغيتو او اي حشوة تفضلوها





 لويت العجين انا كيعجبني نعملهم فقوالب المافن ممكن تستفهم فالمقلة و تباعدو بيناتهم و يخمر على راحتهم


دهنتهم بالبيض مخلط بقليل من الحليب قبل مايبداو يخمرو

 خليتهم خمرو و دخلتهم لفرن ساخن 350 فهرنهايت 180 مئوية تقريبا 20 حتى ل 25 دقيقة



عملت عليهم ڭناش الشوكولا بيضاء و قدمتهم 
كيجيو لداد و مايتشبعشي منهم
نتمنى من الله انهم يعجبوكم 
في امان الله


ليست هناك تعليقات:

إرسال تعليق