السلام عليكم و رحمة الله
تقبل الله منا و منك صالح الاعمال
نتمنى من الله تكونو جميع فاحسن الاحوال يا ربي امين
آش غادي نقول ليكم على هاد الخبيزات امممممممممممممممممممممممم مفشفشين و خفاف و زوينين و لديدين و اي كلمة زوينة يستحقوها هههههههههه شكار راسو
هاد النوع من الخبز هو منتشر بكترة عند اليابانيين نتمنى من الله انو يعجبكم انا فاش عملتو اول مرة ماخلاونيش حتى نزلو فوق الطابلة طار مسيكين بسرعة و عاودتو مرة اخرى و اخرى اممممم
هاد الخبز فيه مرحلة مهمة و هي اننا كنعملو العجين الاول فالتلاجة 12 ساعة هادي مهمة بزآآآآآاف و الا ماغاديش يجي كيما كتشوفو
على بركة الله سنحتاج ل
المرحلة الاولى
120 غ دقيق الخاص بالخبز
85 غ من الماء الغليان تقريبا 100 مل
المرحلة التانية
380 غ دقيق الخاص بالخبز
75 غ سكر
قليل من الملح
10 غ من الخميرة
140 مل حليب بارد
100 مل كريم سائل
بيضة باردة
40 غ زبدة ف
حرارة المطبخ ولكن ماشي سخونة بزآآاف
بيضة للدهن
على بركة الله نخلطو الدقيق و الماء الغليان ديال المرحلة الاولى و نغطيوه و نخليوه يبرد و ندخلوه للتلاجة 12 ساعة
نخلط الخميرة مع قليل من الماء الدافي و نخليها تعمل الفقاعات
و نخلط الدقيق و السكر و الملح و نضيف عليهم الخميرة البيض و الكريم و الحليب
لعجين كيكون معلك بحال لي فالصورة
نضيفو لعجين الاول لي عملنا فالتلاجة من قبل و نعجنو
طبعا لعجين كيزيد يخفاف
نضيفو الزبدة
لعجين كيكون خفيف ماتخافوش النتيجة كتكون روعة شوفو يدي تعطيكم لخبار
نغطي لعجين و نخليه يخمر تقريبا ساعة و نصف فحرارة المطبخ
عملت عليه القليل من الدقيق باش حتيتو فالطابلة لي كنخدم فيها
عملت عليه القليل من الدقيق باش حتيتو فالطابلة لي كنخدم فيها
هنا منين بديت كنكورو العجين كيكون خفيف و كيلصق فاليدين ماتخافوش غير كملو
عملتو كويرات و حطيتو فالمقلة و خليتو يخمر فحرارة المطبخ يخمر على راحتو
منين خمر دهنتو بالبيض و دخلتو للفران على حرارة اكتر من المتوسطة 18 حتى 22 دقيقة حتى يتحمر*
كيجي غزآآآآال و مفشفش و كيبرد كنعملهم فالكونجيلاتور
كيبقى غزآآآآآآال و زوين بزآآآآاف
نتمنى من الله انوهم يعجبوكم و في امان الله
ليست هناك تعليقات:
إرسال تعليق