الأربعاء، 26 يونيو، 2013

بيني رآآآآآآآآئع و لديد جدا جدا جدا




السلام عليكم و رحمة الله
تقبل الله منا و منك *صالح الاعمال
نتمنى من الله تكونو جميع فاحسن الاحوال يا ربي امين
هاد البيني كيجي غزآآآآآآآآآال و لديد ان شاء الله يعجبكم



على بركة الله سنحتاج ل
700 غ دقيق
20 غ خميرة
قليل من الملح
40 غ سكر
2 بيضات
140 مل حليب يكون دافي
140 مل ماء يكون دافي
60 غ زبدة تقريبا دايبة
قليل من الڤانيلا

بالنسبة للڭلاصاج
100 غ شوكولا بيضاء
100 مل كريم سائل

نعملو الكريم يسخن و نضيفو عليه الشوكولا و نخلطوهم مزيان و نخليوهم يبردو حتى نحتاجوهم


على بركة الله نعملو الخميرة مع لحليب الدافي و السكر و نخليوها حطي تعمل لينا الفقاعات




نخلطو باقي المقادير و نعجنو تم نضيفو الخميرة مع الحليب


لعجين كيكون خفيف و نعطيكم عليه فكرة كما فالصور شوفو يدي كيفاش كيلصق فيها العجين ولكن كيزول ماكيبقاش لاصق فاليد

نغطيوه و نخليوه يخمر تقريبا ساعة ولكن على حسب حرارة المطبخ ممكن اكتر ممكن اقل
نرشو المكان لي غادي نعجنو فيه و نطلقو العجين ديالنا



نقطعوه دوائر او الشكل لي بغيتو و نعملوه فمقلة الفران و نغطيوه و نخليوه يخمر


نسخنو الزيت و منين يخمر البيني نعملوه فيها و نخليوه يتحمر تقريبا ما بين 20 حتى ل 30 تانية على كل وجه او على حسب حرارة الزيت ممكن اكتر او اقل
تم عملت الكريم و الشوكولا يسخنو و غطستهم فيه


نتمنى من الله انو يعجبكم و تقبل الله منا و منكم صالح الاعمال

ليست هناك تعليقات:

إرسال تعليق