الأحد، 23 يونيو، 2013

كرواصة فرنسية رآآآآائعة بطريقة سهلة جدا و احترافية









السلام عليكم و رحمة الله
نتمنى من الله تكونو جميع فاحسن الاحوال
هاد الكرواصة كتجي روعة و لديدة جدا و اهم حاجة انها مافيهاش الخدمة بزاف بحال الكرواصة العادية و نتيجتها انها كتكون مقرمشة من برا و رطبة من الداخل
انا شخصياوليت معتمداها*
هي كنعجنو العجين و نخليوه يبات فالتلاجة تم بعد ذلك نطويوها كما في الصور ان شاء الله
على بركة الله سنحتاج ل




500 غ دقيق ( لي كنعجنو به الخبز ماشي الخاص بالكيك )
250 مل ماء فحرارة المطبخ
15 غ خميرة العجين
قليل من الملح
50 غ سكر
100 غ زبدة فحرارة المطبخ
للتوراق
250 غ زبدة

على بركة الله نخلط الخميرة مع قليل من الماء و السكر و نعملوهم مع باقي المكونات يتعجنو باستثناء الزبدة



يتجمع الخليط شوية ثم نضيفو الزبدة





حيت يتجمع الخليط ( العجين لازم يكون خفيف نسبيا ) نجمعوه و نعملوه فاناء و نخليوه يخمر فحرارة المطبخ



منين خمر رشيت المكان لي غادي نخدم به بالدقيق و سرحت العجين بهاد الشكل





ثم طويتو على هاد الشكل كيما فالصورة
خديت تلت العجينو نزلتو تم التلت الاخر جبتو عليه

 عملتو فپلستيك و خليتو فالتلاجة يبات ليلة كاملة
هاد العملية كتساعد الدقيق باش يرتاح و مايبقاش يتجبد و الڭلوتين يرتاح و منين نطلقوه كيكون لين 


تاني يوم نعملو الزبدة مابين 2 بلاستيك و نسرحوها بالمدلك و ندخلوها للتلاجة تبرد

نسرح العجين ديالي 38 على 17 سم

و نزل الزبدة لي ماخاصهاش تكون باردة بزآآآآآف*

 نطوي الطرف الاخر من العجين و نحاول نسد الجناب باش الزبدة ماتخرجش لينا
 نبدا نسرح العجين

 نعملو ضربات بالمدلك كيما فالصورة هاد العملية كتساعد باش الزبدة تتوزع على انحاء العجين



نسرحو الهجين كما في الصورة بطول 60 على 20 سم

نطوي تقريبا التلتين كما فالصورة

 و نطوي الطرف لي بقا 
 سرحتها و طويتها على 2 بحال كتاب
 طويتو على 2 و هاد الطوية كتسمى طوية الكتاب
 نعاود نطلق لعجين مرة اخرى 60 على 20 سم
 و نطويه على 3 هاد المرة

 نسرحوها و نعملوها فلاطة و ندخلوها للتلاجة ترتاح ساعة

 نسرحوها و نعملوها فلاطة و ندخلوها للتلاجة ترتاح ساعة
 نخرجوها من التلاجة*
 ها هي منين قسمتها على 2
شكلها مورق


 قسمتها بموس و عطيتها هاد الشكل*
طبعا اذا بغيتو تعمروها باي حشوة هنا الاختيار كيبقى ليكم



عملت قليل من الملح على بيضة و طربتهم قليلا
دهنت به الكرواصة و خليتها تخمر فحرارة المطبخ

 هنا منين خمرات الكرواصة
ندخلوها لفرن ساخن على 204 مئوية 400 فهرنهايت
 لمدة 10 دقائق تم نزو درجة الحرارة ل 190 مئوية 375 فهرنهايت و نخليوها طيب 15 دقيقة اكتر او حتى تتحمر



 منين كتخرج من الفران كتكون مقرمش من برا و رطبة من الداخل




 


نتمنى من الله انها تعجبكم و في امان الله



للامانة هاد الوصفة خديتها من عند شاف فرنسي معروف هو شاف برونو و طبقتها كما هي بالحرف مازدت مانقصت و ولات معتمدة عندي
و الله يجازي مولاها كل خير 


هناك تعليقان (2):

  1. lah iaatik saha bayna zwina nchalah njaribha wlidati aaziza aalihoum karwasa walaki alef chokr o aawacher mabrouka

    ردحذف
    الردود
    1. awachrak mbroka bkol makatmani ya rabi amin
      incha allah t3ajabk akhiti w fentidat tatbiqak

      حذف