الثلاثاء، 25 يونيو، 2013

پرتزلز غزآآآآآالين و لداد للفطور





السلام عليكم و رحمة الله
هاد الپرتزلز كيجيو فنين بزآآآآآاف و غزآآآآآلين ان شاء الله يعجبوكم
على بركة الله سنحتاج ل







على بركة الله سنحتاج ل
500 مل حليب نصف لتر
15 غ خميرة العجين
30 غ سكر
60 غ زبدة دايبة
ما بين 500 و 600 غ دقيق
ملح
700 مل ماء دافي
3 معالق صغار بيكاربونات الصوديوم



على بركة الله ندوبو الزبدة

نسخنو الحليب حتى يغلي و نخليوه يبرد ولكن يبقى دافي
نضيفوه على الزبدة




و نضيفو الخميرة


و السكر


نعملو الخليط فلماكان لي غادي نعجنو فيه و نخليوه يخمر تقريبا 3 حتى ل 5 دقايق


نبداو نضيفو الدقيق بشوية بشوية 



حتى يكون عندنا عجين كيتجبد و متوسط ماشي قاصح و ماشي خفيف



نغطيوه و نخليوه يخمر تقريبا ساعة حتى يتضاعف الحجم ديالو




بعد ما خمر خديت العجين و قسمتو كويرات صغار تقريبا 10 دالكرات



عملت الما الدافي مع البيكاربونات ديال الصوديوم و خليتو على جنب




طلقت كل كورة بالشكل لي كتشوفو و عملتهم بحال الشكل لي فالصورة


عملتهم مباشرة فالما و البيكاربونات*
هاد العملية كتخليهم يجيو محمرين و مقرمشين من برا



نزلتهم مباشرة فالمقلة و رشيت عليهم الزنجلان و دخلتهم لفران تقريبا ما بين 7 حتى 12 دقيقة



هنا منين خرجتهم من الفرن



سخنت قليل من الزبدة و عملتهم فيها مباشرة






هاهما وجدو للفطور
نتمنى من الله انهم يعجبوكم و تقبل الله منا و منكم صالح الاعمال



ليست هناك تعليقات:

إرسال تعليق